Inauguración da exposición de caricaturas de Antonio Palla
Artigo en El Ideal Gallego sobre Antonio Palla e a exposición
Categoría: Exposicións
Exposición de caricaturas de Antonio Palla
Durante o mes de setembro de 2025, entre os días 5 e 30, terá lugar na sala de exposicións Jesús Núñez do edificio Arquivo unha exposición de caricaturas do artista betanceiro Antonio Palla.
A Asociación Cultural Eira Vella organiza esta mostra, coa colaboración do Concello de Betanzos, que se poderá visitar en horarios de 10:00 a 14:00 horas e de 19:00 a 21:00 horas de martes a venres, e de 11:30 a 14:00 e de 19:00 a 21:00 horas os sábados. A inauguración da mesma terá lugar o venres 5 de setembro de 2025 ás 20:00 horas.
Antonio Palla compaxinou o seu labor docente, do que está xubilado, con diversas actividades artísticas, entre as que destaca principalmente a caricatura. Neste eido artístico traballou durante tres anos, entre 1987 e 1980, para o xornal coruñés El Ideal Gallego. Ao longo da súa vida calcula que terá realizado arredor de medio millar de caricaturas.
Palla colaborou ininterrumpidamente durante vintedous anos –entre 1979 e 2000– no pintado do globo de San Roque con viñetas humorísticas e caricaturas. Reanudou a súa colaboración en 2022 e tamén no 2024 e voltou facelo no deste ano. En total son case un centenar os cuarteróns ilustrados por el.
Outras actividades artísticas súas son os deseños para alfombras florais do Corpus Christi na vila de Ares, a realización de dous grandes murais en edificios públicos de Cesuras, carteis para as festas de San Roque e outros eventos, ilustracións para varios libros, folletos e revistas, realizacións de gravados, anagramas, emblemas de entidades, etiquetas comerciais, marcapáxinas, etc.
Participou en exposicións colectivas en Betanzos, en varias localidades de Galicia e España e en Buenos Aires. Individualmente, realizou dúas exposicións, ambas en Betanzos. En 1986 a de “Caricaturas de betanceiros” e en 1990 unha “Exposición retrospectiva”. A presente é a terceira exposición individual e chega trinta e nove anos despois da primeira.
Este venres 14 inauguramos “Meigas, sabias e mulleres boas”
Este venres 14 ás 20.30 h. terá lugar a inauguración da mostra “Meigas, sabias e mulleres boas” de Carme Romero Díaz.
Agardámosvos!
Poderedes mergullarvos neste universo feminino exposto no Edificio Arquivo (Liceo) dende o día 13 de outubro ate o día 15 de novembro.
…o sábado 1 de novembro inauguramos exposición.
Mulleres mariñas de Carmen Romero
Imaxes da exposición dos XX anos
O pasado martes 17 de setembro inaugurouse a Mostra Documental dos XX anos de Eira Vella.
No acto interveu a presidenta Pilar Vázquez, a vicepresidenta Mariña Longueira leu o poema da ausente Gabriela Rodríguez alusivo aos “XX anos”, e Francisco Pérez Porto pechou o acto cunha intervención musical cantando cancións e romances tradicionais galegos e poemas de Curros e Rosalía.
Entre os asistentes estaban o Alcalde, concelleiros do PSOE, BNG e CxB, persoas do mundo artístico e cultural de Betanzos, libreiros, socios e directivos da asociación, veciños e veciñas.
http://flash.picturetrail.com/pflicks/3/spflick.swf
Exposición A feminina esencia
Accede á sección EXPOSICIÓNS DENDE A IMAXE DA SALA .
xa podedes visitar a exposición “A feminina esencia”
Convidámosvos a visitar a exposición A feminina esencia, que estará aberta ate o día 14 deste mes de maio. Accedendo á imaxe poderedes consultar a información do díptico da exposición.
Saúdos!
A feminina esencia… Do 1 ao 14 de maio
Convidámosvos a visitar a exposición “A feminina esencia” da artista NIEVES CASTRO LARA que terá lugar na Sala de Exposicións do Edificio Arquivo do 1 ao 14 de maio. A exposición contará tamén con tallas e esculturas de MARCELO VILLALBA.
Horario de visita:
19:00-21:00h. De Luns a Venres
12:00-14:00h. Sábados e Domingos
Visita á exposición…
O pasado sábado 8 de setembro visitou a exposición “Querido Balbino” o antropólogo Tadashi Yamamoto, que está a traducir ao xaponés as “Memorias dun neno labrego”. Estivo acompañado da súa dona Kazumi e do xornalista vilalbés Moncho Paz, director de “A Voz de Vilalba”.
