Vídeo da autoria de Arume Fotografía
A prensa tamén se fixo eco dos actos de Eira Vella en https://www.nosdiario.gal/event/axenda/palestra-pazo-meiras-patrimonio-do-estado14042026/20260413093247253183.html
Etiqueta: Homenaxe
Día da República: ofrenda floral ás vítimas do franquismo e faladoiro sobre o Pazo de Meirás
O vindeiro 14 de abril de 2026, ás 19:00 horas, a Asociación Cultura Eira Vella celebrará un ano máis a ofrenda floral diante da placa situada na entrada do Museo das Mariñas, reprodución da orixinal ubicada no Centro Betanzos de Bos Aires e na que se recollen os nomes das vítimas betanceiras do franquismo.
Este ano ademáis completará a efeméride o Faladoiro Pazo de Meirás. Patrimonio do Estado que terá lugar ás 20:00 horas na Sala Azul do Edificio Arquivo, a cargo de Carlos Babío Urkide, autor, xunto con Manuel Pérez Lorenzo, do libro Meirás: Un pazo, un caudillo, un espolio.
Agardámosvos un ano máis para que a memoria democrática siga viva.
Día de Rosalía 2026: Unha voz eterna en imaxes
Día de Rosalía 2026: Unha voz eterna
O Concello de Betanzos e a Asociación Cultural Eira Vella organizan a homenaxe a Rosalía de Castro na conmemoración anual do seu nacemento, este ano baixo o lema “Unha voz eterna“. O acto terá lugar o venres 27 de febreiro de 2026 na Aula municipal de Cultura Xulio Cuns, a partir das 18:30 horas.
Na homenaxe deste ano contaremos coa colaboración da Deputación da Coruña e a Xunta de Galicia e coa participación de alumnado de todos os centros de ensino de Betanzos (IES As Mariñas, IES Francisco Aguiar, CPR Nosa Señora do Carme-Atocha e CEIP Francisco Vales Villamarín), así como das asociacións betanceiras Asociación Cultural A Fuliada e a Asociación Lar de Unta.
Durante o acto lerase o Manifesto da Asociación de Escritoras e Escritores en Lingua Galega no Día de Rosalía de Castro 2026 redactado nesta ocasión por Eva Veiga baixo o título Mais eles tamén perdidos, que podedes ler completo na seguinte ligazón.
#_rdc2026 #maiselestamenperdidos
Día da República: ofrenda floral ás vítimas do franquismo en imaxes
Sirva a presenza da placa situada na entrada do Museo das Mariñas e esta ofrenda floral que recorda ás vítimas betanceiras do franquismo para, dende a nosa Historia local, recordarnos que non debemos nin podemos mirar para outro lado perante ás vítimas das guerras e a opresión e para ter presentes a todas aquelas persoas que dende o exilio forzoso loitan cos seus testemuños únicos por manter a memoria viva, como a mantiveron os betanceiros exiliados na Arxentina.
Nestes tempos de ameaza global no que asistimos a silencios impensables, precisamos a memoria e os seus instrumentos máis visibles e vivos que nunca.
Día da República: ofrenda floral ás vítimas do franquismo
O vindeiro 14 de abril de 2025, ás 19:30 horas, a Asociación Cultura Eira Vella celebrará un ano máis a ofrenda floral diante da placa situada na entrada do Museo das Mariñas, reprodución da orixinal ubicada no Centro Betanzos de Bos Aires e na que se recollen os nomes das vítimas betanceiras do franquismo.
O acto contará coa lectura de poemas e virá acompañado de música.
Agardámosvos un ano máis para que a memoria democrática siga viva.
Homenaxe a Johán Vicente Viqueira
O 22 de outubro de 2024, continúan os actos de homenaxe a Johán Vicente Viqueira no centenario do seu pasamento.
Actos de homenaxe a Johán Vicente Viqueira na canle de Youtube da ACLP Roxin Roxal
Para todas e todos os que non puidestes asistir ou queirades volver a vivir o momento, na canle de Youtube da ACLP Roxin Roxal atópase dispoñible o acto de homenaxe co que as entidades culturais da comarca lembraron ao intelectual Johán Vicente Viqueira no centenario do seu falecemento .
Tamén se atopa dispoñible a Mesa Redonda Johan Vicente Viqueira (1886 – 1924) Vida, obra e permanência nos 100 anos do seu passamento organizada tamén pola ACLP Roxin Roxal e na que contaron co noso compañeiro da AC Eira Vella, Xesús Torres.
Homenaxe a Johán Vicente Viqueira
No centenario do falecemento de Johán Vicente Viqueira diversas asociacións culturais da comarca, entre elas a AC Eira Vella, únense para recordalo nunha homenaxe e ofrenda floral no cemiterio de Ouces, nun acto público aberto que terá lugar o xoves, 29 de agosto de 2024, ás 19:00 horas.
O acto incluirá a lectura de textos escolmados do pensamento e obra do autor, así como interpretacións musicais e outras actividades transmisoras do espírito viqueiriano.
Doutra banda, o noso compañeiro, Xesús Torres, participará tamén na Mesa Redonda Johan Vicente Viqueira (1886 – 1924) Vida, obra e permanência nos 100 anos do seu passamento, que se emitirá o 27 de agosto de 2024, ás 19:00 horas nos canais ACLP Roxin Roxal Youtube e Facebook.
Agardámosvos!