O vindeiro día 12 de xuño na aula de cultura do edificio arquivo ás 20:30 horas, imos a presentar un novo número de A Xanela. Na parte musical o grupo Fiandola tocará pezas do seu último traballo ¡Mimá!. Agardámosvos!
Etiqueta: presentación
Señardade da luz
Presentación de Traizón consagrada
Imaxes do acto o pasado 14 de abril
A continuación da ofrenda ás vítimas tivo lugar na Sala Azul do Edificio Arquivo a presentación do libro “Traizón consagrada. A gran derrota do pobo hispano”, relato autobiográfico do avogado betanceiro Luis Cortiñas (1900-1986), encadeado polo franquismo. É unha reedición en lingua galega do que o autor editara en 1958 na Arxentina e que apenas era coñecido entre nós por non poder circular libremente no seu momento. A presente edición vai acrescentada con documentación gráfica e un limiar sobre a vida e a obra do autor.
Na presentación do libro interviron a presidenta Gabriela Rodríguez, Xesús Torres Regueiro (autor da introducción e versión galega), así como Tomás López Loureda (fillo do avogado López Datorre, alcalde fusilado en 1936, amigo e compañeiro de Cortiñas) e Xesús Torres Loureda “Martín”, que contaron senllos testemuños relacionados con Luis Cortiñas e o seu irmán Francisco, unha das vítimas betanceiras, asasinado en 1939 en plena rúa do Castro.
Rosalía…
Presentación de “A historia secuestrada polo franquismo”
O venres 18 de marzo, presentouse en Betanzos o libro de Manuel Monge “A historia secuestrada polo franquismo”. O autor é na actualidade presidente da Comisión pola Recuperación da Memoria Histórica da Coruña (CRMH).
Con esta publicación preténdese recuperar unha parte da historia que nos foi negada, sendo tamén um libro para a acción, para cambiar as cousas. Fai unha crítica á etapa da transición á democracia na que os principais partidos políticos fixeron um pacto de silencio, deixando de lado o tema das vítimas do franquismo.
Pretendese así un acto de xustiza com todas as persoas que deron a súa vida ou sofriron a represión e que foron xermolos de paz e liberdade.
Describe tamén as actividades que a CRMH está a facer dende os seus comezos ata a actualidade.
Na presentación estivo acompañado polo investigador betanceiro Xesús Torres e Francisco Pillado, da editorial Laiovento.
Presentación da Historia secuestrada polo franquismo.
O 17 de setembro preséntase…
O venres 17, ás 20:00h na Sala Azul do Edificio Arquivo, terá lugar a presentación de “Os libros prestados” de XABIER LÓPEZ LÓPEZ. No acto o escritor estará acompañado por Gabriela Rodríguez, Carlos Lema e Santiago Jaureguízar.
3 de xuño: Presentación do libro Espertar
O vindeiro sábado 3 de xullo presentarase no Edificio Arquivo o libro ESPERTAR, unha obra que une a poesía de Lino García coa ollada fotográfica de Helena Robledo. Esta publicación é o terceiro número da colección A Xanela da poesía, editada por Eira Vella.