E xa chegamos ao número 36 de ” A Xanela. Revista Cultural das Mariñas”, que sae hoxe á rúa. A presentación terá lugar na Sala Azul do Edificio Arquivo. Contaremos, nesta ocasión, coa actuación musical do cantautor Xoán Curiel.
Agardámosvos!
Categoría: Presentación
venres 15. Presentación de Historias de Icía e Avoa…
Este venres ás 20:00 h presentamos o libro Historias de Icía e Avoa de Sabela Arias. AGARDÁMOSVOS!!
Imaxes da presentación de CADEAS
Este xoves 13 de xuño…
Presentación do libro de Carlos Callón
Como falar e escribir en galego con corrección e fluidez
acto que terá lugar ás 20,30 horas
na Sala Azul do Edificio Arquivo.
Carlos Callón (Ribeira, 1978)
é profesor de Lingua e literatura galegas en secundaria e investigador sobre sociolingüística e literatura. Presidente da Mesa pola Normalización Lingüística e da Fundación Via Galego, así como portavoz nacional da plataforma unitaria Queremos Galego. Tamén presidiu o Comité de Estado da Axencia Europea de Linguas Minorizadas. Publicou os ensaios Unha historia que nos pertence. A obra poética en galego de Lorenzo Varela (2005), En castellano no hay problema (Xerais, 2010), Como defenderes os teus dereitos lingüísticos (Xerais, 2011) Premio Redelibros de Ensaio, Amigos e sodomitas (2011) Premio Vicente Risco de Ciencias Sociais e Premio Fervenzas Literarias de Ensaio e Como escribir en galego con corrección e fluidez (Xerais, 2012). Obtivo tamén varios galardóns pola súa obra de creación, entre os cales salienta o Premio Internacional de Teatro Breve Lauro Olmo (1996). Ademais de colaborar con asiduidade en varios medios de comunicación, mantén o blogue
www.carloscallon.com
imaxes da presentación de melíflua moradía…
imaxes da presentación do libro “a represión franquista na comarca da Coruña”
Velaí algunhas imaxes do acto da presentación celebrada o pasado venres…
presentación de A represión franquista na comarca da Coruña
Presentación en Sada…
Presentouse en Sada o libro das fontes de Betanzos
Da man da A.C. Irmáns Suárez Picallo, presentouse o pasado día 24 na Casa da Xuventude de Sada o libro “As fontes no concello de Betanzos”, que foi editado meses atrás pola Asociación Cultural Eira Vella e presentado tamén na cidade betanceira.
No acto interviron os autores, Antón García González e Xesús Torres Regueiro. Ao remate falaron tamén os mestres Xosé Seoane e Francisco Pita (presidente da entidade organizadora) arredor de experiencias educativas que realizaron sobre as fontes de Sada e Culleredo, respectivamente.
Presentación en Sada de “As Fontes no Concello de Betanzos”
![CARTAZ fontes[1]](http://eiravellaac.gal/wp-content/uploads/2013/01/cartaz-fontes1.jpg)
O vindeiro xoves 24 presentarase en Sada o libro que editamos sobre
“As fontes no concello de Betanzos”, de Antón García e Xesús Torres.
O acto celebrarase na Casa da Xuventude ás 8 do serán.
…Este venres presentamos o número 34 de A Xanela!
Miro Casabella (Ferreira do Valadouro, 1946) formou parte do movimento da Nova Canción Galega e de Voces Ceibes nos últimos anos da ditadura franquista, loitando dende a resistencia cultural.
Ligado nos seus comezos musicais a Cataluña, onde realizou os estudos, alí entra en contacto com membros da Nova Cançó e con Paco Ibáñez, participando en festivais pola península e por Franza. En Barcelona grava co selo Edigsa/Xistral dous discos de curta duración: “Miro canta as súas canciós” e “Cantigas de escarnho e maldizer”.
De volta en Galiza, en 1977 sae o seu disco “Ti Galiza” e ao ano seguinte “Treboada”, ambos LP´s de longa duración.
En 1979 intégrase no grupo Doa, sacando en 1981 o disco “O son da estrela escura”, de música popular e medieval.
Despois dun longo silenzo de vinte anos, volve editar un disco no ano 2004: “Orvallo”, con doce canzóns, dende os cancioneiros medievais a autores contemporáneos, pasando por Rosalía.
Reapareceu en 2002 nun concerto en Guitiriz nun festival de Nunca Máis, e dende entón, non deixou de aportar a súa voz e a súa música en diversos actos e iniciativas en defensa da lingua, a cultura e o país. Con nós xa estivo cando a presentación da Xanela nº 19, na primavera do 2005, na presentación do libro de poemas de Mero en outubro do pasado ano e volta a estar connosco na presentación desta Xanela nº 34.